परिचयः
देशलाई औद्योगिकरण तर्फ उन्मुख गराई दिगो औद्योगिक विकास गर्न आवश्यक नीति, ऐन, नियम तर्जुमा गरी औद्योगिक विकासका माध्यमद्वारा रोजगारीका अवसर सिर्जना, औद्योगिक उत्पादन, निर्यात प्रवर्द्धन तथा विदेशी मुद्रा आर्जन गरी उच्च आर्थिक वृद्धिको लक्ष्य हासिल गर्न नेपाल सरकारको केन्द्रीय निकायको रुपमा यस मन्त्रालयको २०६५।५।१५ मा छुट्टै स्थापना भएको हो।

कार्यक्षेत्रः
नेपाल सरकार (कार्य विभाजन) नियमावली, २०६४ (दोश्रो संशोधन २०६६।२।२९ सहित) बमोजिम यस मन्त्रालयको कार्य क्षेत्र देहाय बमोजिम रहेको छ : -

• उद्योग तथा औद्योगिक विकास सम्बन्धी नीति, योजना तथा कार्यक्रमको तर्जुमा, कार्यान्वयन, अनुगमन र मूल्याङ्कन,
• खानी तथा खनिज पदार्थ अन्वेषण सम्बन्धी नीति, योजना तथा कार्यान्वयन,
• खानी तथा खनिज विकास विषयक अध्ययन, तालिम, अन्वेषण तथा सर्वेक्षण,
• औद्योगिक विकास,
• औद्योगिक क्षेत्रहरु तथा औद्योगिक संघ–संस्थाहरु,
• औद्योगिक नियोगहरु,
• संयुक्त राष्ट्रसंघीय औद्योगिक विकास संगठन तथा अन्य अन्तर्राष्ट्रिय औद्योगिक संगठन,
• बैदेशिक लगानी प्रवर्द्धन,
• औद्योगिक लगानी प्रवर्द्धन,
• घरेलु तथा ग्रामीण सीप र उद्योगको संरक्षण तथा प्रवर्द्धन,
• नाप, तौल र गुणस्तर निर्धारण तथा प्रवर्द्धन,
• उद्योग सम्बन्धी सार्वजनिक प्रतिष्ठान,
• उत्पादकत्व बृद्धि विषयक नीति तथा कार्यक्रम,
• औद्योगिक प्रविधि विकास र प्रविधि हस्तान्तरण,
• औद्योगिक जनशक्तिको विकास तथा तालिम, अन्वेषण तथा सर्वेक्षण,
• औद्योगिक प्रवर्द्धन र संरक्षण,
• कम्पनी प्रशासन,
• औद्योगिक सम्पत्ति र प्रशासन,
• संगठित संस्थाको दामासाही प्रशासन,
• विशेष आर्थिक क्षेत्र,
• नेपाल इञ्जिनियरिङ्ग सेवा अन्तर्गतका माइनिङ्ग, जियोलोजी, केमेष्ट्री, केमिकल, मेटालर्जिकल र मेट्रोलोजी समूहको सेवा सञ्चालन ।

संगठन संरचना

स्वीकृत दरवन्दीः